Tað var hósnáttina, at tveir máttmikllir jarðskjálvtar raktu Venesuela. Hetta vóru skjálvtar, sum vórðu máldir til ávikavist 7,2 og 7,5.
Hetta eru harðastu jarðskjálvtar, sum hava rakt landið í meira enn hundrað ár.
Higartil eru 1450 fólk funnin deyð í leivdunum av rapaðum húsum og bygningum, men framvegis eru nøkur túsund fólk saknað.
Tí kann roknast við, at talið av deyðum fer at veksa.
Men, í allari neyðini eru eisini glottar, tá fólk framvegis vera funnin á lívi.
AFP-tíðindastovan veit at siga, at í dag eru pápi og sonur funnir á lívi í leivdunum - heilar fýra dagar eftir jarðskjálvtarnar.
ST sigur sambært NTB-tíðindastovuni, at tilsamans eru 6,8 milliónir fólk onkusvegna rakt av herviligu skjálvtunum í Venesuela.
