Gunnar Vatnhamar var sambært Soccerstand besti maðurin hjá Víkingi Reykjavík, ið tapti 0-3 fyri sveisiska liðnum, FC Thun í fyrra dystinum í triðja undanumfarinum í Europa League.
Tað liggur á ljóði, at Gunnar skal skifta til Vejle í næstbestu donsku fótbóltsdeildini, men tað forðar ikki Gunnari í at gera sítt allarbesta fyri Víking.
Soccerstand gevur Gunnar karakterin 7,2 (av 10 møguligum), ið er besti karakterurin nakar leikari hjá Víkingi fekk í dystinum móti Thun.
Thun hevði væl fleiri málroyndir enn Víkingur, ið tó iðrar seg um, at Thun megnaði at skjóta eitt mál í yvirtíðini. Nú verður tungt at venda gongdini í returdystinum.
FC Thun-Víkingur Reykjavík 3-0 (2-0)
1-0 Jan Bamert ('19 )
2-0 Brighton Labeau ('26 )
3-0 Fabio Saiz ('90 )
Komandi hóskvøld klokkan 18.30 hittast liðini aftur á Víkingsvøllinum í Reykjavík. Longu sunnukvøldið klokkan 19 spælir Víkingur dyst á heimavølli í bestu íslendsku fótbóltsdeildini móti ÍBV, ið hevur Ára í Haraldsstovu Petersen í málinum.
