Týsdagin 3. desember klokkan 17 spælir føroyska kvinnulandsliðið í hondbólti dyst móti Danmark í innleiðandi bólki D í EM-endaspælinum í Basel í Sveis.
Danski landsliðsvenjarin, Jesper Jensen hevur tikið út EM-hópin, og tað kemur sum ein stórur skelkur fyri mong, at málverjulegendan, 35 ára gamla, Sandra Toft ikki er úttikin. Sandra Toft hevur leikt 190 landsdystir fyri Danmark, og hon hevur verið við í danska hópinum til hvørt endaspæl síðani 2013.
Millum aðrar royndar leikarar Jesper Jensen hevur vrakað til danska EM-hópin eru Mette Tranborg, Kathrine Heindahl, Louise Burgaard og Simone Petersen.
Vinstri vongurin hjá Nykøbing Falster, Lærke Nolsøe, ið er hálvur føroyingur, og hevur spælt 62 landsdystir fyri Danmark er ikki millum tær úttiknu.
Óannsæð er talan um ein krútsterkan hóp, ið er trið- og fjórðstørsti favoritturin at vinna EM-gull hjá teimum ymisku veddingarfyritøkunum. Fremstu favorittarnir eru Noreg og Frakland.
HER er danski EM-hópurin:
Málverjar:
Anna Kristensen, Team Esbjerg
Althea Reinhardt, Odense Håndbold
Vengur:
Trine Østergaard, CSM Bucuresti
Andrea Aagot Hansen, Odense Håndbold
Emma Friis, CSM Bucuresti
Strikuleikarar:
Sarah Iversen, Ikast Håndbold
Rikke Iversen, Team Esbjerg
Kaja Kamp, Team Esbjerg
Bakkar:
Stine Eiberg Jørgensen, Nykøbing Falster Håndbold
Kristina Jørgensen, Györ
Anne Mette Hansen, Metz
Line Haugsted, Team Esbjerg
Michala Møller, Team Esbjerg
Mie Højlund, Odense Håndbold
Helena Elver, Odense Håndbold
Helene Kindberg, København Håndbold
