Nærum 300 sivil lótu lív í juni, sum er hægsta mánaðartalið síðani fyrstu mánaðirnar av russisku innrásini í 2022.
Sambært ST kemst stóra talið serliga av teimum mongu russisku loftálopunum, sum ukrainska loftverjan hevur havt torført við at steðga.
Ukrainski forsetin, Volodymyr Zelenskyj, hevur tí heitt á sameindu londini um meiri hjálp til loftverjuna.
Í gjar boðaði danska forsætisráðfrúan, Mette Frederiksen, frá, at Danmark saman við níggju øðrum londum fer undir at byggja upp eina felags evropeiska verju móti rakettálopum.
