Rumenski forsetin, Klaus Iohannis, tekur seg nú aftur sum møguligur avloysari hjá Nato-aðalskrivaranum, Jens Stoltenberg, tá hesin leggur frá sær til heystar.
Tað veit tíðindastovan, Reuters, at siga í dag.
Lagt verður aftrat, at tá Klaus Iohannis nú tekur seg aftur, er bara niðurlendski forsætisráðharrin, Mark Rutte, eftir sum møguligur avloysari í Nato.
Mark Rutte hevur leingi verið umrøddur, sum maðurin, ið fór at taka við eftir Jens Stoltemberg.
Sjálvur hevur sitandi Nato-aðalskrivari eisini peikað á niðurlendska forsætisráðharran sum sín avloysara í verjusamgonguni, nú leiðaraskifti skjótt verður.
##med2##
