Føroyingauppgerð var í bestu donsku hondbóltsdeildini hjá kvinnum í kvøld.
Í Frederiksberg Opvisning høllini tóku Pernille Brandenborg og liðfelagarnir í Keypmannahavn móti Janu Mittún og liðfeløgunum í Viborg.
Keypmannahavn vann dystin 36-32. Í steðginum var Keypmannahavn á odda 19-15.
Pernille skoraði tvey mál og vann liðnum tvey brotskøst. Jana skoraði fýra mál, legði upp til fýra mál og vann liðnum eitt brotskast. Sambært hagtølunum var Jana næstmest effektivi leikarin hjá Viborg.
Komandi leygardag klokkan 13 verður føroyingauppgerð í Viborg. Tá koma Rakul S. Wardum og liðfelagarnir í Ringkøbing á vitjan. Sama dag klokkan 15 spælir Keypmannahavn móti Silkeborg-Voel á útivølli.
Støðan:
| Nr. | Lið: | Dystir | Stig |
| 1 | Odense | 7 | 14 |
| 2 | Ikast-Herning | 7 | 12 |
| 3 | Team Esbjerg | 7 | 12 |
| 4 | Keypmannahavn | 7 | 10 |
| 5 | NFH | 7 | 10 |
| 6 | Viborg HK | 7 | 10 |
| 7 | SønderjyskE | 7 | 6 |
| 8 | Silkeborg-Voel | 7 | 5 |
| 9 | Skanderborg | 7 | 5 |
| 10 | EH Aalborg | 7 | 4 |
| 11 | Horsens | 7 | 4 |
| 12 | Aarhus United | 7 | 4 |
| 13 | Bjerringbro | 7 | 2 |
| 14 | Ringkøbing | 7 | 0 |
