Summarfestivalurin byrjaði í gjárkvøldið uttan stórvegis trupulleikar, upplýsir løgreglan.
Klokkan 20 komu boð um harðan tónleik úr einum privatum urtagarði, har ung høvdu skipað fyri eini konsert. Sambært løgregluni hevði onkur vaksin loyvt teimum at brúka urtagarðin til tað.
Tá patruljan kom á staðið, varð tónleikurin mettur at vera til ampa fyri grannalagið, og løgreglan bað fyriskipararnar steðga tiltakinum. Konsertin varð steðgað klokkan 20.19, sigur vaktleiðarin á politistøðini.
Seinni um náttina, klokkan 2.30, fekk løgreglan fráboðan um herverk í einum virkisbygningi í Klaksvík. Ein stórur rútur var knústur.
Sambært fráboðanini sást ein maður renna av staðnum, men ikki bar til at eyðmerkja viðkomandi. Løgreglan kannar málið, og sløkkiliðið fór á staðið og setti eina plátu fyri brotna rútin.
Klokkan 3.22 komu eisini boð um upptrekk til ófrið uttan fyri festivaløkið við Biskupstøð, nærhendis Betri. Tá patruljan kom á staðið, var tó friðarligt, og eingin orsøk var til víðari átøk.
Løgreglan hevði harumframt eitt soloferðsluóhapp á Hellunum í Oyndarfirði. Ein bilur fór langt út av vegnum, men eingin fólkaskaði hendi.
