Í juni byrjaði Svanhild Madsen i starvi sum móttøkufólk á kommunuskivstovuni hjá Sunda kommunu.
- Svanhild er 42 ár, búsitandi á Oyri. Hon hevur skrivstovuútbúgvin innan almenna fyristing frá Haderslev kommunu. Eisini hevur hon nógvar royndir innan skrivstovu, bæði hjá tí almenna og privata.
Í Sunda kommunu siga tey, at í starvinum sum móttøkufólk verður Svanhild eitt av teimum fyrstu andlitunum, sum borgarar og vitjandi hitta, tá tey venda sær til kommununa.
- Hon fer millum annað at taka ímóti borgarum, svara telefonum og hjálpa til við ymsum fyrisitingarligum uppgávum.
Í Sunda kommunu ynskja tey Svanhild Madsen hjartaliga tillukku við starvinum og vælkomna á kommunuskrivstovuni.
