Vegna veður og seinkaðar flogferðir í dag og í gjár, eru broytingar gjørdar í dystarskránni til Wenzel Nordic Cup í kvøld.
Dysturin millum Valur og GOG er útsettur til klokkan 20.00 í kvøld.
Dysturin millum Kiel og H71 verður tíverri ikki spældur í kvøld. Orsøkin er, at ferðalagið hjá Kiel ikki nær at lenda til dystin í kvøld.
Vit harmast um støðuna og tær avleiðingar, hon hevur fyri áskoðarar, leikarar og onnur, sum eru partur av tiltakinum. Umstøðurnar eru uttan fyri okkara ávirkan, og arbeitt verður við at tillaga skránna.
Vit vóna, at dystirnir í morgin kunnu verða spældir sum ætlað.
Nærri kunning um skránna fyri morgindagin verður send út, so skjótt sum hon er endaliga staðfest.
