Eirikur í Jákupsstovu, løgtingsmaður, hevur sett Jacob Vestergaard, landsstýrismanni í vinnumálum, ein skrivligan fyrispurning um asfaltering og liðuggerð av landsvegum.
Hann spyr millum annað, hvørjir vegir verða umvældir og asfalteraðir av nýggjum í ár, hvussu Landsverk raðfestir vegirnar, og hvørji atlit verða nýtt í metingini.
Løgtingsmaðurin vil eisini vita, hvussu nógv tað kostar at gera landsvegin millum Klaksvík og Norðoyri og vegin millum tunnilsmunnan og bygdina í Kunoy lidnar.
Harumframt spyr hann, um peningur verður settur av til at gera byrgingina um Haraldssund lidna.
Eirikur í Jákupsstovu vísir á, at játtanin til asfaltering hjá Landsverki varð hækkað í seinasta samgonguskeiði. Samstundis vísir hann á ætlanina um at raðfesta vegin til Fámjins, nú Fámjinstunnilin er gjørdur.
Fyrispurningurin varð settur á Løgtingi í dag, 13. august.
