Martin Agnarsson gjørdist fríggjakvøldið stóra sigursmálhetjan hjá Aarhus Fremad, sum í dysti í niðara endaspælinum í næstbestu donsku fótbóltsdeildini vann ein sera týðandi 1-0 sigur á botnproppinum, Middelfart.
Heimaliðið megnaði leingi at halda málið reint. Men í 85. minutti skoraði Martin eitt sera týdningarmikið sigursmál úr stuttari frástøðu. Marcus Kirchheiner legði hegnisliga upp til málið.
Aarhus Fremad er næstfremst í niðara endaspælinum við 36 stigum. Teir hava fimm stig niður til niðurflytingarstrikuna, har B93 hevur 31 stig.
HER ber til at síggja hæddarpunktini frá dystinum Middelfart-Aarhus Fremad 0-1 (0-0):
##med2##
